Venderdi, 14 e sanda, 15 marz 2025
Cuorsas e saireda dal Club
Cun ün totel da 140 persunas per la tschaina e numerusa partecipaziun a las cuorsas vains eir quist an pudieu passanter ün bel evenimaint.
Rangaziuns:
Evenimaints
sguard inavous
Algordanzas ad evenimaints dal Club
Sanda, ils 25 schner 2025
Di da skis da veterans (Ü50)
Üna bunura da bellezzas e bunas pistas vainsa gieu per nos di da skis da veterans (Ü50). La numerusa partecipaziun per quist di ans ho fat grand plaschair!
Sanda, ils 18 schner 2025
La Cuorta
Che bel cha vainsa eir quist an pudieu piglier part cun üna pitschna gruppa da l'JO da passlung a La Cuorta. A las partecipantas gratulainsa da cour!
Venderdi, 15 marz e sanda, 16 marz 2024
Cuorsas e saireda dal Club
Per las cuorsas e la saireda dal Club vains eir quist an gieu üna granda partezipaziun, in pustüt dad iffaunts e famiglias! Nus vains pudieu passanter duos bels dis in cumpagnia ed ans allegrains sül prossem inviern.
Rangaziuns:
Sanda, ils 27 schner 2024
Di da skis Ü50
Eir quist an vains darcho pudieu passanter ün di da bellezzas sün las pistas da Zuoz.
Sanda, ils 20 schner 2024
La Cuorta
Eir quist an vains pudieu parteciper a La Cuorta cun üna pitschna gruppa dad iffaunts da l'JO da passlung. Tuots d'eiran fich cuntaints dad esser aint il böt zieva 6km!
Utuon 2024
Activiteds JO
D'utuon haun gieu lö diversas activiteds pels iffaunts da l'JO. Cun üna visita i'l freestylegarden a Silvaplauna u cun fer svess t-shirts e cun otras activiteds d'eira tiers qualchosa per minchün.
Venderdi e sanda, 17 e 18 marz 2023
Cuorsas e saireda dal Club
Grazcha ad üna numerusa partecipaziun vainsa pudieu passanter duos bellas cuorsas ed üna flotta finischiun da la stagiun. Grazcha fich e fin prossem inviern!
Rangaziuns:
passlung iffaunts passlung creschieus
Sanda, 25 schner 2023
Di da skis Ü50!
Tar ün'ora da bellezza vainsa pudieu giodair ün bel ma fraid di sün pista cun sur 20 veterans!
Sanda, 25 gün 2022
Viva la cumpagnia!
Grazcha ad ün di da pumpa vainsa pudieu passanter ün pêr bellas uras in cumpagnia vi tar la chamanna Pradatsch. Grand e pitschen haun giodieu il gianter illa natüra...
Venderdi, 18 marz e sanda, 19 marz 2022
Cuorsas e saireda dal Club
Grazcha ad üna nummerusa partecipaziun vainsa pudieu organiser duos bellas cuorsas e passanter üna flotta saireda dal Club in buna cumpagnia!
Las glistas da rangs as chatta cò:
Venderdi, 11 favrer 2022
Slalom da not
Grazcha al transport organiso ed als magisters da skis haun ils iffaunts da l'JO alpin pudieu viver ün evenimaint fich speciel chi ho plaschieu a grand e pitschen!
Sanda, 29 schner 2022
Di da veterans (ü50)
Cun bger sulagl e pistas da bellezza vainsa pudieu passanter ün pêr flottas uras in cumpagnia - cun ir culs skis ed eir düraunt l'aperitif...
Sanda, 22 schner 2022
La Cuorta
Che bel cha vainsa pudieu fer "La Cuorta" da "La Diagonela" cun desch iffaunts da l'JO da passlung. Tuot ils iffaunts sun rivos bain aint il böt zieva ündesch kilometers. Bravo!
Sanda, 18 december 2021
Principi stagiun da skis a Zuoz cun nouvas giaccas dad JO
Insembel cun l'avertüra dals runels a Zuoz ho l'JO alpin pudieu inaugurer las nouvas giaccas da skis ad ün di da bellezzas. Grazcha fichun als sponsurs pel grand sustegn!
Sanda, 11 december 2021
Marcho da Nadel a Zuoz
Eir il Club da Skiunzs ho pudieu esser part dal Marcho da Nadel a Zuoz e vender bgers marruns, punsch e vin chod. Grazcha fichun a tuot quels chi sun passos ed haun sustgnieu nossa societed!
Marculdi, 17 november 2021
Finischun dal trenamaint da sted JO
A la fin ho darcho pudieu avair lö ün pitschen evenimaint. La finischun dal trenamaint da sted da l'JO ho gieu lö illa sela da gimnastica a Zuoz, tuot suot il motto "muvimaint e divertimaint". Che bel da vzair tuot quists iffaunts cuntaints!
Viva la cumpagnia
Grillada ü50
In sanda, ils 3 lügl 2021 vainsa organiso üna grillada pels commembers ü50. Cun que cha l'ultim inviern nun ho lascho tiers activiteds pels commembers pü vegls, haun quists arcugnuschieu l'esser in cumpagnia cun bunas liangias e bun vin.
Finischiun da l'JO da skis
Di da skis sü Survih
La finischiun da l’JO da skis ho quist an gieu lö in ün pitschen ram. Cun agüd da la scoula da Skis vainsa pudieu organiser üna cuorsa sü Survih. Zieva que ho que do muffins e punsch chod per tuot ils iffaunts.
Finischiun da l'JO da passlung
Cuorsa fun
La finischiun da l’JO da passlung ho gieu lö i’l ram normel dad l’JO da passlung. Üna pitschna cuorsa ed üna buna marenda tar ora stupenda ho fat plaschair a tuot ils iffaunts.
Excursiun da suprastanza
Gita da suprastanza sü Chamanna d'Es-cha
La suprastanza dal Club da Skiunzs Zuoz ho giodieu üna bella toura da skis cun pernotaziun sü Chamanna d’Es-cha.
Giubileum
111 ans Club da Skiunzs Zuoz
Pel giubileum dal Club da Skiunzs es gnieu organiseda la cuorsa dal Kêsch tradiziunela. Üna cuorsa chi maina da la Chamanna d’Es-cha fin sün Plazza da Zuoz.
