il club

 Portrait

Qualche infurmaziuns a reguard la pü granda societed illa PLAIV.

Hoz

Il Club da Skiunzs da famiglia cun fokus sül sport da massa.

Hoz cumpiglia il Club da Skiunzs var 280 commembers e commembras. Il böt principel es da promouver il sport da skis alpin e nordic tals iffaunts e giuvenils scu sport da massa. Grazcha a noss mneders pudainsa nus spordscher trainamaints da sted e d’inviern chi vegnan nüzagios da bundant 45 participants per stagiun. Il Club da Skiunzs spordscha eir als creschieus diversas activiteds scu l’inscunter da veterans, la gita risotto u otras gitas da cler glüna. Eir i’l böt dal Maraton Engiadinais u da La Diagonela es nos LOGO omnipreschaint, cun que cha ün grand nummer da voluntaris sun dal Club da Skiunzs Zuoz.

Istorgia

Ils eroes da pü bod

L’an 1903 haun ün pêr fervaints Zuozinghers fundo il Club da Skiunzs Zuoz suot il titel «Il Chazamunt», che chi voul dir uschè bger scu «Quels chi croudan». Baincumel d’eiran las manduras da quel temp tuot oter scu sgüras ed uschè legiainsa eir hoz illa giazetta dal Club da quel temp, chi gniva giaschieu suvenz illa naiv.


Commembranza

Dvainta commember dal Club da Skiunzs Zuoz our dals seguaints motivs:

  • Que es il pü grand Club activ da La Plaiv.
  • Il Club spordscha ün program per giuven e pels restos giuvens.

  • L’import da 35.- annuel es bain investieu.

  • La partecipaziun a la Cuorsa dal Club ho lö vi dal pü bel muot in Engiadin’Ota (Pizzet).

  • Il Club promouva la cumpagnia e la commünaunza traunter las diversas generaziuns.

Scha tü hest interess, annunzcha’t cul «button» suot.

Nus ans allegrainsa sün te!



La suprastanza


Thomas Pinchera

President

Corinna Badilatti Steger

Actuara / Vicepresidenta

Karin Casty

Chaschiera / Administraziun

Flurin Derungs

Coach JO

Gian Malär

Assessur / Materiel / Marketing

Thomas Fent

Assessur

staTütS

Statüts


STATÜTS DAL CLUB DA SKIUNZS ZUOZ

I. Nom e sez

Art. 1

L’an 1903 gnit fundo il „Club da skiunzs Zuoz“, üna societed i’l sen da l'artichel 60 e seguaints dal cudesch civil svizzer, cun sez a Zuoz.

El fo part a l’Associaziun Svizra da Ski Swiss Ski ed a l’Associaziun da skis grischuna BSV.

II. Mera e dovair

Art. 2

Il club ho per mera da promouver e cultiver il sport da naiv scu pür il spiert da camaradaria e cumpagnia.

Politicamaing e confessiunelmaing es il club neutrel. Art. 3

Per pervgnir a quist böt es previs il seguaint:

  1. a)  Promoziun dal sport da naiv

  2. b)  Promoziun dal sport da naiv tar la giuventüna

  3. c)  Organiseremnercuorsasdaskis,promouver,sustegneredelegercurriduorsa

cuorsas utrò

  1. d)  Organisaziun da gitas da skis, dad excursiuns e da cuors (p.ex. cuors da salvamaint,

referats, sairedas da film e.u.i.)

  1. e)  Scolaziun da funcziunaris per l'administraziun dal club e per cuorsas

  2. f)  Sustegner tuots sforzs illa regiun per promouver il sport da naiv i'l ram dals dovairs

dal club

  1. g)  Organisaziun da festiviteds in comuniun

i) Gestiun da restoraziuns ed oters affers tenor bsögn ed in interess da la societed

III. Commembers

Art.4

Il club as cumpuona da:
a) commembers activs (juniors, seniors e veterans) b) commembers d'onur
c) commembers libers
d) commembers passivs
e) commembers da l'organisaziun da giuvenils (OG)

Art. 5
Scu commember as po s'annunzcher tar la suprastanza dal club.

Art. 6
L'admissiun scu commember rinserra l'arcugnuschentscha dals statüts dal club.

Art. 7

Il gener da la commembranza nun ho üngün’influenza ne sül dret da tscherna activ u passiv, ne sül dret da proposta e da vuscher.

Art. 8

Chi chi fo part 25 ans all'inlungia scu commember activ al club po gnir numno dal club scu veteran. El survegn il segn da Swiss Ski cun l’ur d’argient.

Art. 9

Commembers d'onur paun gnir numnos tres la radunanza generela sün proposta da la suprastanza. Els nu pejan üngüna contribuziun annuela.

Art. 10

Mincha commember activ chi fo part düraunt 40 ans a Swiss Ski po gnir annunzcho dal club al quêl e vegn numno tres quella commember liber. El survegn il segn da Swiss Ski cun l'ur d’or.

Art. 11
Persunas u firmas chi s’interessan per ils böts dal club u chi’l vöglian sustegner, paun

dvanter commembers passivs. Els nu faun part a Swiss Ski. Art.12

A l'organisaziun da giuvenils paun fer part mattas e mats tenor reglas „Giuvenils + Sport (G + S)“.

Art. 13

L'esser commember glivra cun la mort, cun la sortida dal club u cun l'exclusiun. Üna declaraunza per sortir dal club stu gnir inoltreda a la suprastanza in scrit.

Art.14

Sün dumanda d’ün commember po la suprastanza excluder ün commember cun magiurited simpla dals suprastants preschaints sainza indicaziun da motivs. Il commember chi vain exclus po trer inavaunt quista decisiun a la radunanza generela.

 

 

IV. Dispusiziuns finanzielas Art.15

Las contribuziuns annuelas dals commembers activs e passivs vegnan fixedas tres la radunanza generela sün proposta da la suprastanza.

Las contribuziuns dals giuvenils vegnan fixedas tres la suprastanza. Commembers libers nu pejan üngüna contribuziuns.

Art.16

Il club s'impegna be cun sia faculted. Ils singuls commembers nu portan üngüna respunsabilited persunela.

Commembers chi sortan dal club nun haun üngün dret vi da la faculted dal club.

V. Organisaziun

Art.17

lls organs dal club sun:
1. Laradunanzagenerela 2. Lasuprastanza
3. llsrevisuorsdaquint

La radunanza generela

Art. 18

La radunanza generela es l'organ superiur dal club. Quella ho lö infra 6 mais zieva la finischun da l’an da gestiun (1. lügl fin 30 gün).

Art. 19

La radunanza generela vegn convocheda cun indicaziuns da las tractandas, arsalvo motivs urgiaints, almain desch dis ouravaunt e que in scrit a tuot ils commembers.

Art. 20

Mincha radunanza convocheda seguaint uorden es cumpetenta da decider. Tschernas e votumaziuns sun aviertas scha nu vain giavüscho scrutin. Tar egualited da vuschs taglia il president las vuschs.

Art. 21
Las tractandas da la radunanza generela sun per regla:

a) Protocol da l'ultima radunanza generela
b) Rapports annuels dals singuls suprastants
c) Müdamaints(entredasesortidasdacommembers) d) Quint annuel
e) Rapport dals revisuors e dis-charg a la suprastanza f) Tschernas

g) Onorificaziuns h) Program annuel i) Varia

Sur da tractandas na indichedas sün la glista nu po la radunanza decider in maniera definitiva.

Art. 22

Schi fo dabsögn, ho la suprastanza il dret da convocher üna radunanza extraordinaria. Tres proposta in scrit dad almain ün tschinchevel dals commembers es la suprastanza oblieda da banir üna radunanza extraordinaria.

La suprastanza

Art. 23

La suprastanza as cumpuona dals seguaints commembers tschernieus da la radunanza generela:

  • President

  • Actuar

  • Chaschier

  • Schef cuorsas e materiel

  • Schef da l'organisaziun da giuvenils (OG)

  • 1 – 2 Assessuor(s)

Illa prüma tschanteda zieva la radunanza generela decida la suprastanza chi chi surpiglia la carica dal vicepresident.

Art. 24

lls commembers da la suprastanza vegnan tschernieus da la radunanza generela per la düreda da duos ans. Per commembers chi sortan da la suprastanza vain il substitut tschernieu per il rest da la düreda d'uffizi. Reelecziuns da commembers da suprastanza sun admissas.

Art. 25

La suprastanza vegn convocheda dal president tenor bsögn u pür cur cha 1/3 dals commembers da la suprastanza dumandan que, numnand las tractandas chi dessan gnir discusas. La suprastanza po trer decisiuns valablas scha sun preschaints almain 5 commembers. Ella decida cun la magiurited dals preschaints. Il president vuscha adüna e tar egualited da vuschs ho el il dret da taglier quellas.

Art. 26

La suprastanza evada ils affers curraints e convochescha la radunanza generela. Ella es respunsabla per l'andamaint invers ils commembers. Ella es cumpetenta da piglier tuottas imsüras chi nu sun expressamaing arsalvedas a la radunanza generela.

Art. 27

Il president e l'actuar ubain il president e'l chaschier haun il dret collectiv da suotta- scripziun cun validited leghela.

 

Incumbenzas da la suprastanza

Art. 28
lls singuls suprastants haun las seguaintas incumbenzas e cumpetenzas:

  1. a)  Il president rapreschainta il club vers l'extern e maina las radunanzas e sedutas. El es respunsabel per l'observaziun dals statüts.

  2. b)  Il vicepresident rimplazza il president in cas d'impedimaint culs listess drets e dovairs.

  3. c)  L'actuar scriva ils protocols da tuottas radunanzas e sedutas e güda ad evader la correspundenza.

  4. d)  Il chaschier maina ils affers da la chascha dal club. El maina üna glista exacta dals commembers. El es in dovair da fer giò quint cun Swiss Ski e‘l BSV seguond las relativas prescripziuns. El ho tuottas cumpetenzas necessarias e fo rapport a la radunanza generela.

  5. e)  Il schef da las cuorsas e dal materiel es respunsabel per l'organisaziun da las cuorsas da skis arrandschedas da nos club e propuona eir las delegaziuns da nos club per cuorsas d'utro. El es respunsabel per il mantegnimaint dal materiel dal club e survaglia il custodimaint dal têl.

f) Il schef da l'organisaziun per giuvenils (OG) pissera per l’instrucziun tenor ils relativs uordens superiurs per il "coach Swiss Ski".

g) L'assessur/ils assessuors po/paun surpiglier differentas lezchas. La lezcha principela es quella dad organiser il böt dal Maraton da skis Engiadinais.

lls revisuors da quint

Art. 29

lls revisuors da quint controllan il quint annuel e daun giò ün rapport in scrit a maun da la radunanza generela.

Els vegnan tschernieus scu la suprastanza per duos ans e paun gnir reelets.

VI. Dispusiziuns finelas Müdamaints da statüts Art. 30

Üna revisiun totela u parziela dals statüts existents sto in cumpetenza da la radunanza generela, suot la premissa cha quella es gnida convocheda in uorden e cha quista tractanda d‘eira indicheda sün l'invid.

Schoglimaint dal club da skiunzs

Art. 31

Il club po gnir scholt in occasiun d'üna radunanza generela convocheda expressamaing per tel scopo. Scha almain 10 commembers sun per mantegner il club, nu po quel gnir scholt.

Scha il club vegn però scholt, stu tuotta faculted gnir depositeda tar la vschinauncha da Zuoz a favur d'ün eventuel club nouv cun listess intent.

Entreda in vigur

Art. 32

Quists statüts sun gnieus acceptos da la radunanza generela dals 8 december 2017 ed aintran in vigur dalum. Ils statüts vegnan suottamiss a Swiss Ski per l'acceptaziun.

Els rimplazzan ils statüts stampos als 28 november 1984, als 4 gün 1998 ed als 23 gün 2006. Tuottas decisiuns anticipedas nu sun pü valablas dal mumaint davent cha quists statüts aintran in vigur.

 

Club da skiunzs Zuoz Il president:

Claudio Duschletta

Appruvo da Swiss Ski:

L'actuar:

Andi Pauchard Berna,